फिर्यादी अंकुश लक्ष्मण माने (वय-२७) रा.पुनर्वसन सावरगाव ता.कळंब जिल्हा उस्मानाबाद
ह.रा.कुंभारी या चालकाने कोपरगाव तालुका पोलीस ठाण्यात या प्रकरणी गुन्हा दाखल केला आहे त्यामुळे ऊस वाहतूक करणाऱ्या लोकांमध्ये खळबळ उडाली आहे.
सध्या कोपरगाव मध्ये ऊस तोडणी हंगाम सुरू आहे, त्यामुळे मराठवाडा, खान्देश ह्या ठिकाणाहून अनेक ऊस तोडणी मजूर कोपरगाव तालुक्यात आपले ट्रॅक्टर व बैलगाड्या घेऊन आलेले आहेत, पहाटे ऊस तोडणी मजूर ऊस तोडणीसाठी बाहेर पडतात व सायंकाळच्या सुमारास कारखान्यावर आपला ऊस तोडून ट्रॅक्टर किंवा बैलगाडी द्वारे घेऊन येतात.
रात्री कारखाना तळावर मुक्कामी असतात.हा त्यांचा दिनक्रम कारखाना सुरु झाल्यापासून ते गळीत हंगाम संपेपर्यंत असतो. मात्र काही वेळा त्यांनाच चोरांचा तडाखा बसतो .
अशीच घटना कोळपेवाडी येथील बैलगाडी तळावर घडली आहे.
फिर्यादी अंकुश माने यांचा हिरव्या रंगाचा जॉन डियर हा सुमारे एक लाख रुपये किंमतीचा ट्रॅक्टर काही चोरट्यांनी दि.२१ फेब्रुवारी रोजी रात्री ९ वाजेच्या सुमारास चोरून नेला आहे. शोध घेऊनही ट्रॅक्टर मिळून आला नाही त्यामुळे त्यांनी या प्रकरणी कोपरगाव तालुका पोलीस ठाण्यात धाव घेऊन गुन्हा दाखल केला आहे.
कोपरगाव तालुका पोलिसांनी या प्रकरणी आरोपी विरुद्ध गुन्हा क्रं.५७/२०२२ भा.द.वि.कलम ३७९ अन्वये गुन्हा दाखल केला आहे.पुढील तपास पोलीस निरीक्षक दौलतराव जाधव यांचे मार्गदर्शनाखाली पोलीस नाईक राजू चव्हाण हे करीत आहेत.
