राज्यातील २३ हजार ग्रामविकास अधिकारी आणि ग्रामसेवक उद्या आणि परवा संपावर जाणार आहेत. महात्मा गांधी राष्ट्रीय ग्रामीण रोजगार हमी योजनेच्या कामासाठी स्वतंत्र यंत्रणा स्थापन करावी यासह इतर मागण्यांसाठी सुमारे २३ हजार ग्रामविकास अधिकारी आणि ग्रामसेवक उद्यापासून संपावर जाणार आहेत.
तशी माहिती संघटनेच्या वतीने देण्यात आली आहे. संघटनेचे जिल्हाध्यक्ष दिलीप पांढरे पाटील, राजेश किलचे, मंचक भोसले, महमद कलीम यांनी माहिती दिली आहे.
ग्रामसेवक आणि ग्रामविकास अधिकारी संपावरसंघटनेच्या मागण्या कोणत्या? राज्यातील ग्रामसेवकांचे प्रश्न मागील अनेक वर्षापासून प्रलंबित आहेत.
जुनी सेवानिवृत्ती वेतन योजना लागू करावी,
ग्रामसेवक आणि ग्रामविकास अधिकारी ही दोन्ही पदे रद्द करून पंचायत विकास अधिकारी या पदाची निर्मिती करावी, या पदासाठी शैक्षणिक अर्हता पदवीधर असावी,
कोविड काळात कर्तव्यावर असतांना मृत्यू झालेल्या ग्रामसेवकांच्या वारसांना तातडीने ५० लाख रुपये द्यावेत,
किमान सेवानिवृत्ती वेतन योजनेमध्ये केंद्र शासनाप्रमाणे वाढ करावी,
सर्वांना किमान वेतन द्यावे, राज्यातील शासकिय कार्यालयातील रिक्तपदे तातडीने भरावी,
यामध्ये आरोग्य विभाग व ग्रामविकास विभागातील पद भरतीला प्राधान्य द्यावे यासह इतर मागण्यांचा समावेश आहे.
ग्रामपंचायतीचे कामकाज ठप्प होणार दरम्यान, राज्य शासकिय कर्मचाऱ्यांच्या मागण्यांसाठी राज्यात उद्यापासून दोन दिवसीय लाक्षणिक संप केला जाणार आहे.
या संपामध्ये ग्रामसेवक संघटना देखील वरील मागण्यांसाठी सहभागी होणार आहे. राज्यातील सुमारे २३ हजार ग्रामविकास अधिकारी, ग्रामसेवक या आंदोलनात सहभागी होणार असल्याने पुढील दोन दिवस ग्रामपंचायतीचे कामकाज ठप्प होणार असल्याचे संघटनेच्या पदाधिकाऱ्यांनी सांगितले.
