मुंबईतील गोरेगाव येथून शिर्डीकडे साईंची पालखी निघाली होती. या पालखीतील सहभागीने गोळीबार केल्याने एक जण जखमी झाल्याचे समजते. विकी भांगे असे गोळीबार करणाऱ्या संशयिताचे नाव आहे. तर नीलेश पवार असे जखमी झालेल्या व्यक्तीचे नाव आहे.
आरोपीला घेतले ताब्यात
शिर्डीजवळील सावळी विहीर परिसरात ही घटना घडली. घटनेची माहिती मिळताच पोलिस घटनास्थळी दाखल झाले. गोळीबार करणाऱ्या भांगे या तरूणाला पोलिसांनी ताब्यात घेतले आहे. तर निलेश पवारला उपचारासाठी रुग्णालयात दाखल करण्यात आले आहे.
जखमी नीलेश याने गोळीबार करणाऱ्या तरुणाच्या बहिणीसोबत दोन वर्षांपूर्वी पळून जाऊन लग्न केले होते. याचाचा राग असल्याने गोळीबार केल्याची माहिती मिळाली आहे.
