Laptop Tips : लॅपटॉप सतत गरम होतो का? हे उपाय करून मिळवा यापासून सुटका

आपण कामासाठी दिवसभर लॅपटॉप वापरतो तेव्हा बऱ्याचवेळा लॅपटॉप गरम झाल्याचे जाणवते. सततच्या वापरामुळे तो गरम होत असेल असे वाटून आपण त्याकडे सहज दुर्लक्ष करतो पण यामुळे त्याची कार्यक्षमता कमी होते. त्यासाठी लॅपटॉप गरम होणार नाही याची काळजी घेणे आवश्यक असते. पण यासाठी कोणते उपाय करता येतील हे बऱ्याच जणांना माहित नसते. लॅपटॉप दीर्घकाळासाठी नीट काम करावा, सतत गरम होऊ नये यासाठी कोणते उपाय करता येतील जाणून घ्या.

धुळीपासून संरक्षण करा

Also read :Google Maps वरून तपासा हवेची गुणवत्ता; सोप्या स्टेप्स जाणून घ्या

लॅपटॉपच्या आत व्हेंटिलेशन आणि उष्णता नियंत्रित करण्यासाठी सीपीयु पंखे असतात. काही काळाने या पंख्यांवर धुळ जमा होऊ शकते. त्यामुळे लॅपटॉपमध्ये व्यवस्थित व्हेंटिलेशन होत नाही आणि सतत गरम होतो. म्हणून लॅपटॉप सतत गरम होऊ नये यासाठी त्याचे धुळीपासून संरक्षण करा. तसेच लॅपटॉपमध्ये जमा झालेली धुळ साफ करण्यासाठी लॅपटॉप इंजिनिअरची मदत घेऊ शकता.

आणखी वाचा : दैव बलवत्तर म्हणून… काम सुरू असताना लॅपटॉपचा स्फोट झाला अन्… तरुणीच्या प्रसंगावधानामुळे टळला मोठा अपघात

Also read :पीएफ खात्याचा पासवर्ड विसरलात? काळजी करू नका! पासवर्ड रिसेट करण्यासाठी जाणून घ्या ‘या’ सोप्या टिप्स…

लॅपटॉपबरोबर मिळालेल्या चार्जरचाच वापर करा
चार्जर विसरल्यास काहीवेळा आपण ऑफिसमध्ये इतर सहकाऱ्यांच्या लॅपटॉपचा चार्जर वापरतो. अशावेळी लॅपटॉप गरम होण्याची शक्यता असते. त्यामुळे लॅपटॉपला नेहमी ओरीजिनल चार्जरने चार्ज करावे.

ओव्हर चार्ज करू नका

Also read :खुशखबर : आता OnePlus वापरकर्त्यांना घेता येणार 5G इंटरनेट स्पीडचा आनंद

अनेकजणांना पुर्ण दिवस लॅपटॉप चार्जिंगला लावून काम करण्याची सवय असते, पण यामुळे लॅपटॉप गरम होऊन त्याच्या कार्यक्षमतेवर परिणाम होऊ शकतो. त्यामुळे लॅपटॉपला ओव्हर चार्ज करू नये.

आवश्यक नसलेले ॲप्लिकेशन बंद करा

Also read :Free Diwali Gifts : चिनी दिवाळी गिफ्टस् पासून सावधान; वेबसाईटवरून होत आहे डेटाची चोरी, ‘सीईआरटी’ची माहिती

काम करत असताना एका वेळी अनेक ॲप्लिकेशन सुरू असतात यामुळे लॅपटॉप गरम होण्याची शक्यता असते. त्यामुळे बॅकग्राऊंड मध्ये सुरू असणारे आवश्यक नसलेले ॲप्लिकेशन बंद करा.